Рэшфорд МЮ мухлисларига: Биз қўлимиздан келганча ўйнадик

"Манчестер Юнайтед" клуби форварди Маркус Рэшфорд кеча "Манчестер Сити"га (2:0) қарши бўлиб ўтган ўйинда учралган мағлубиятдан сўнг мухлисларга мурожаат қилди.

“Бу жуда оғир давр. “Манчестер Юнайтед” мухлиси сифатида сизларнинг кечинмаларингизни ҳис қиляпман. Биз қўлимиздан келганча ўйнадик. Биз ортга қайтиб, қўлимиздан келганча ҳаракат қилишимиз керак”, - дейди Рэшфорд.

Эътиборлиси, Уле Гуннар Сульшер бошчилигидаги “қизил иблислар” сўнгги 9та ўйинда 7тасида мағлуб бўлишди. Тўплар нисбати эса 6:18.

“Манчестер Юнайтед” айни дамда АПЛда Чемпионлар лигаси йўлланмасини берувчи 4-ўринда бораётган “Челси”дан 3 очкога ортда бормоқда ва 6-ўринни эгаллаб турибди.