Рэшфорд қайси клубда ўйнамоқч эканлигини айтди

"Манчестер Юнайтед" ҳужумчиси Маркус Рэшфорд "Барселона"га ўтиш истаги борлиги ҳақидаги саволга изоҳ берди. Футболчидан каталониялик ҳужумчи Ламин Ямал билан бир жамоада ўйнаш имконияти ҳақида сўрашган.

Рэшфорд The Sun нашри орқали хБуер YouTube каналига қуйидагича жавоб берган:
"Ҳа, албатта. Ҳамма энг яхшилар билан бирга ўйнашни хоҳлайди. Қани энди, кейин нима бўлишини кўрамиз."

Айни пайтда Маркус  Испанияда таътилда. У бу мамлакатни ёқтиришини айтган ҳамда Англияда "Арсенал"да, Испанияда эса "Барселона"да ўйнаган француз афсонаси Тьерри Анрини эслаб ўтган.

Футболчининг "Манчестер Юнайтед" билан амалдаги шартномаси 2028 йилнинг ёзигача мўлжалланган.