Рэшфорднинг "Камп Ноу" даги дебюти кечикадиган бўлди

Ла Лигада 13-турида "Барселона" узоқ муддатли танаффусдан сўнг “Камп Ноу" стадионига қайтадиган бўлди. 

Аммо каталонияликлар бу мавсумда жамоа етакчиларидан бири Маркус Рэшфордсиз ўйнаши мумкин. "Mundo Deportivo" нашри берган маълумотларга кўра, 28 ёшли футболчи грипп аломатлари туфайли кетма-кет икки кундан бери машғулотларни муддатидан олдин тарк этмоқда.  Шу сабабдан Маркус “Атлетик Бильбао” га қарши бўладиган учрашувни ўтказиб юбориши мумкин.

Эслатиб ўтамиз, англиялик футболчи "Барселона" клуби сафида ижара асосида ҳаракат қилмоқда. Форвард жорий мавсум Флик қўл остида 16 та учрашувда майдонга тушиб, 6 та гол киритди ва 9 та голли узатмани ўз номига ёздириб қўйган.