Рейндерс: "Мен учун тўланган суммага ҳайрон бўлдим"

"Манчестер Сити" ярим ҳимоячиси Тижани Рейндерс ўз трансфер баҳоси ҳақида фикр билдирди. Ўтган ёз "шаҳарликлар" уни "Милан"дан деярли 55 млн еврога харид қилишган эди. Ҳозирги кунда Transfermarkt портали маълумотларига кўра, футболчининг нархи 70 миллион еврога баҳоланмоқда.

"Вау, бу жуда кўп. Ҳар доим собиқ жамоадошларимнинг профилларини Transfermarkt'да кўриб тураман, уларнинг карьераси қандай ривожланаётганини билиш учун, аммо ўз нархимни ўрганмаган эдим. Мен трансфер бўлганимда, мен учун тўланган суммага ҳайрон бўлдим. Бу ёқимли комплимент бўлди", — дейди 27 ёшли футболчи "Sport Witness"га берган интервьюсида.

Жорий мавсумда Рейндерс "Манчестер Сити" сафида 18 та ўйинда 1 та гол урган ва 5 та голли пас берган.