Рибери: "Олтин тўп"га мен лойиқ эдим, Месси ёки Роналду эмас

Франция терма жамоаси ва "Бавария" клуби собиқ футболчиси Франк Рибери 2013 йилда "Олтин тўп"ни ютишга лойиқ бўлганини айтди.

"Мен мукаммал мавсум ўтказдим, бундан ҳам яхшироқ ўйнаш имконсиз эди. Ўша "Олтин тўп" натижаси адолациз бўлди. Месси ва Роналду ҳам мен улар билан бир даражада ўйнаганимни билишарди. Уларга ҳурматим баланд, лекин ўша йили улар мендан яхшироқ эмас эдилар," – дея Риберининг сўзларини келтирди L'Équipe нашри.

Эслатиб ўтамиз, "Олтин тўп" учун якуний овоз беришда Рибери учинчи ўринни эгаллаган эди. Иккинчи ўрин Лионель Месси, мукофот соҳиби эса, Криштиану Роналду бўлган.