Римга “Реал”дан футболчи келади

А Сериянинг кучли клубларидан бири – “Лацио” таркибини кучайтириш мақсадида қишки трансферлар ойнаси ёпилмай туриб, “Реал”га керак бўлмай қолган Мариано Диасни трансфер қилмоқчи. Бу ҳақда La Gazzetta dello Sport нашри хабар тарқатди.

Манбанинг таъкидлашича, Рим клуби доминиканлик ҳужумчини жамоанинг асосий тўпурари Чиро Иммобилега ўринбосар сифатида олиб келмоқчи. Чунки Иммобиле жароҳат олиб, сафдан чиққан.

“Лацио” аввалига “Салернитана” форварди Федерико Бонаццолини олишга ҳаракат қилиб кўрганди, лекин бу трансфер ўхшамади.

“Лацио” жорий мавсумда кучли тўртликка кириб, Чемпионлар лигаси йўлланмасини қўлга киритиш учун курашмоқда.