Ришарлисон нега "Тоттенхэм"ни танлаганини тушунтирди

Ҳужумчи Ришарлисон "Эвертон"дан "Тоттенхем"га ўтишга қарор қилгани ҳақида гапирди.

"Мен "Челси" ва "Арсенал" ҳам "Эвертон" билан музокара олиб борганини биламан, аммо "Тоттенхэм" собиқ клубим талаб қилган нархни тўлаган. Ҳаммаси оддий. "Эвертон" молиявий фейр-плей билан боғлиқ муаммоларга йўл қўймаслик учун бир неча ўйинчини сотиши керак эди, шунинг учун музокаралар қисқа давом этди.

"Тоттенхэм" ўз сафига қўшиб олмоқчи эканлигини билганимда Бразилияда дам олаётган эдим. Мен жуда хурсанд бўлдим, чунки бу катта жамоа эканлигини биламан. Клублар кўп нарсани муҳокама қилишди ва ҳаммаси муваффақиятли якунланди. Музокаралар чоғида Антонио Конте менга қўнғироқ қилиб, ўз жамоасида кўришни қанчалик хоҳлашини айтди. Бу мен учун жуда муҳим эди", - дея Ришарлисоннинг сўзларини келтиради "Goal".

Ришарлисон “Тоттенхэм”га 2022 йил июль ойи бошида қўшилганди. Жорий мавсумда 25 ёшли бразилиялик форвард барча мусобақалар доирасидаги 8 та ўйинда майдонга тушиб, ўз ҳисобига 2 та гол  ва 2 та голли узатмани ёздириб қўйган.