Ришарлисон ваъда берди

Бразилия терма жамоаси ҳужумчиси Ришарлисон ҳамюрти Роналдога Қатардаги мундиалда ғолиб чиқса, унинг соч турмагини такрорлашга ваъда берди.

Айтиш керакки, бразилиялик футбол афсонаси 2002 йилги жаҳон чемпионатида ўзига хос услубда соч турмаги билан қатнашган ва якунда ғолиб бўлган эди.

“Олдинда яна учта ўйин бор. У [Ришарлисон] менга каптар рақсини ўргатиши керак. У буни ҳатто Титега ҳам ўргатган”, - деди Роналдо.

“Олтинчи чемпионликни қўлга киритгандан кейин мен унинг соч турмагини такрорлайман. Хейтерларга тинчлик бермаймиз", - деди Ришарлисон.