Роббен ўз хизматларини А Серия клубига таклиф қилди

Мюнхеннинг "Бавария" клуби вингери Арьен Роббен фаолиятини Италия А Сериясида давом эттириши мумкин.

Football Italia нашри тарқатган хабарга қараганда 35 ёшли голландиялик футболчининг агенти унинг хизматларини "Лацио"га таклиф қилган. Таъкидлаш керакки, 30 июнь куни Роббеннинг мюнхенликлар билан тузган шартномаси ўз ниҳоясига етади ва шундан сўнг у эркин агентга айланади.

Маълумот учун, Роббен ўтган мавсум “Бавария” сафида жами 19та ўйинда майдонга тушди ва 6та гол ҳамда 3та голли узатмага муаллифлик қилди.

“Лацио” эса Италия кубогини қўлга киритди ва келаси мавсум Европа лигасида иштирок этадиган бўлди.