Robert Uittaker uchun o‘rta vazndagi eng xavfli raqib kim?

O‘rta vazn toifasi(84 kg)da sobiq UFC chempioni avstraliyalik Robert Uittaker mag‘lubiyatsiz seriya qayd etayotgan Xamzat Chimaevni diviziondagi eng xavfli raqib, deya atadi.

“Avval Chimaevni engishim kerak. Xamzat hozirda o‘rta vazn toifasida eng xavfli jangchi hisoblanadi, shuning uchun diqqatimni jamlab, yaxshiroq harakat qilishim zarur”, – dedi Uittaker MMArcade Podcast da.

Eslatib o‘tamiz, ayni paytda Chimaev o‘rta vazndagi reytingda 11 o‘rinni egallab turibdi. Uittaker uchinchi o‘rinda. Chempion esa Drikus dyu Plessi. Hamzat(13-0) va Robert(26-7) oktabr oyida "UFC 308" musobaqasida uchrashishi rejalashtirilgan.