Роберто Манчини Италия терма жамоасидан қачон кетишини айтди

Италия терма жамоаси бош мураббийи Роберто Манчини “ЖЧ-2022”дан сўнг жамоани тарк этишини маълум қилди.

“Мен Италия терма жамоасини 2022 йил Қатарда бўлиб ўтадиган жаҳон чемпионатидан кейин тарк этаман. Клуб ишига қайтиш ниятидаман. Менинг ўрнимни ким боса олишини билмайман. Мураббийлар кўп - Аллегри, Анчелотти ёки Гасперини”, - деди италиялик мутахассис.

56 ёшли Манчини қўл остида Италия терма жамоаси “Евро-2020”нинг финал босқичига йўлланмани қўлга киритди. У фаолияти давомида "Фиорентина", "Лацио", "Интер", "Манчестер Сити", "Галатасарой" ва "Зенит" клубларини бошқарган.