Rodri Flikni tupikka tiqib qo‘ydi

OAV xabarlariga ko‘ra, murabbiy yangi futbolchini asosiy tarkibda qachon maydonga tushirishni hali aniqlay olmadi.

«Barselona» muxlislari esa jamoaning yangi yarim himoyachisi Rodrining asosiy tarkibdagi debutini kutmoqda. 30 yoshli ispaniyalik futbolchi yozda «Manchester Siti»dan kataloniyaliklar safiga qo‘shilgan, ungacha esa «Real» taklifini rad etgan edi.

Rodri La Ligada «Barselona» tarkibida ikki bor maydonga tushdi — «Atletik» (2:0) va «Rayo Valyekano» (5:2)ga qarshi uchrashuvlarda. Ammo har ikki o‘yinni ham zahirada boshladi. 

Hozircha eng katta savol — murabbiylar shtabi uni asosiy tarkibda qachon maydonga tushiradi?

Insayderlar ma’lumotiga ko‘ra, Hans-Diter Flik ikki variant o‘rtasida ikkilamoqda. Birinchi yo‘l — Rodrini yakshanba kuni «Mestallya»da bo‘lib o‘tadigan «Valensiya»ga qarshi uchrashuvda start tarkibiga qo‘yish. 

Ikkinchi variant — futbolchini kelasi chorshanba kuni Chempionlar Ligasida «Feyyenoord»ga qarshi o‘tadigan murakkabroq bahsda asosiy tarkibda sinab ko‘rish.