Родри "Валенсия" футболчиларидан узр сўради

«Барселона» ярим ҳимоячиси Родри Эрнандес «Валенсия» футболчиларига ўйин пайтида айтган гаплари учун узр сўради. Бу ҳақда The Touchline нашри хабар берди.

Аввалроқ хорижий оммавий ахборот воситаларида Родрининг захирага олинганидан сўнг айтган сўзлари ҳақида маълумотлар пайдо бўлган эди. Хабарларга кўра, у жамоадоши Кубарсига «Валенсия» жуда ёмон ўйнаётгани, жамоа футболчилари эса жуда заиф экани ҳақида фикр билдиргани айтилган.

Эндиликда эса манбаларга кўра, Родри «Валенсия» ва унинг футболчилари шаънини камситувчи бу гаплари учун рақиб клубдан узр сўраган.

Эслатиб ўтамиз, Испания Ла Лигаси тўртинчи турида «Барселона» сафарда «Валенсия»ни йирик ҳисоб — 5:0 билан мағлуб этди. Шу натижадан сўнг каталонияликлар 12 очко жамғариб, турнир жадвалида пешқадамликни қўлга киритган.