"Roland Garros" турнирининг аёллар ўртасидаги беллашувларида ҳам кучлилар номи тобора аниқлашиб бормоқда. Асосий баҳсларнинг илк кунида асосан кутилган натижалар қайд этилди.

Чехиялик Петра Квитова француз теннисчиси Осеан Доданни 6:3, 7:5 ҳисобида мағлуб этган бўлса, нидерландиялик Кики Бертенс Украинадан ташриф буюрган Катарина Завацкая устидан 2:6, 6:2, 6:0 ҳисобида зафар қучди.

Шунингдек, америкаликлар қарама-қаршилигида Кристи Ан билан баҳс олиб борган Серена Уильямс 7:6, 6:0 натижа билан кейинги босқич чипталарини ўзиники қилди. Серена каби биринчи сетни қийинчилик билан ўз номига ёздириб қўйган Элина Свитолина россиялик рақибаси Варвара Грачёвани икки сет якунига кўра, 7:6, 6:4 ҳисобида мағлубиятга учратди.

Ғолиблик учун асосий даъвогарлардан юқоридаги теннисчилар турнирда ўз юришларини муваффақиятли бошлаб олди.

Матнда хатолик топсангиз, ўша хатони белгилаб, бизга жўнатинг (Ctrl + Enter)