"Рома" Дзаньолони яна узоқ муддатга йўқотган бўлиши мумкин

"Рома" ярим ҳимоячиси Николо Дзаньоло тиззасидан жиддий жароҳат олган бўлиши мумкин. Бу ҳақда Football Italia нашри хабар тарқатмоқда.

Италиялик футболчи кеча терма жамоаси сафида УЕФА Миллатлар лигасининг 2-туридан ўрин олган Голландияга қарши баҳсда шикастланди. Николо тез орада чуқурлаштирилган тиббий кўрикдан ўтказилади ва шундан сўнг унинг, жароҳати қай даражада экани ҳамда қанча муддатда сафга қайтиши ойдинлашади.

Айтиш лозимки, Дзаньоло яқиндагина тиззасидан операция қилиниб, ярим йил майдонга туша олмаган эди.