"Рома" Энрике бўйича "Интер" билан келишувга эришди

"Рома" ўз таркибини кучайтириш устида ишлашда давом этмоқда.

Жанлука Ди Марзионинг сўзларига кўра, "бўрилар" ярим ҳимоячи Луис Энрике трансфери бўйича "Интер" билан келишувга эришди.

"Рома" бразилиялик футболчининг трансфери учун "Интер"га 30 миллион евро тўлашга тайёр. Энди "Рома" футболчининг розилигини олиши керак, шундан сўнг келишув якуний босқичга ўтиши мумкин.

Ўтган мавсумда Энрике барча мусобақаларда 43 та ўйинда майдонга тушиб, битта гол урди ва учта голли узатмани амалга оширди. "Интер"га ўтишдан олдин у Франциянинг "Марсел" клубида ўйнаган.