"Рома" ҳужумчиси Испания клубидан бўлган таклифни кўриб чиқишга тайёр

Украиналик ҳужумчи Артём Довбик "Рома"ни тарк этиб, Ла Лигага қайтиши мумкин. Бу ҳақда "Todofichajes" нашри хабар бермоқда.

Манба маълумотларига кўра, ҳужумчи ўзининг собиқ клуби "Жирона"га қайтиш эҳтимоли бор. Агар жамоа Ла Лигада ўз ўрнини сақлаб қолса, 27 ёшли футболчи бу таклифни кўриб чиқишга тайёр эканлигини билдирган.

Ҳозирги вақтда "Жирона" 33 та ўйин натижасига кўра 35 очко тўплаб, турнир жадвалида 16-ўринни эгаллаб турибди. Довбик ўтган йилнинг август ойида Рим клубига ўтган эди. Украиналик футболчи Италия клуби билан 2029 йилнинг июнь ойи охиригача амал қиладиган шартнома имзолаган. "Transfermarkt" портали ҳужумчининг трансфер қийматини 30 миллион еврога баҳоламоқда.