“Рома” Ҳусанов жамоасидан ўйинчи олмоқчи

Ўзбекистон миллий терма жамоаси сардори Элдор Шомуродовни Туркия чемпионатига ижарага жўнатган “Рома” таркибни кучайтириш ишларини давом эттирмоқда.

Calcio Mercato нашрининг маълум қилишича, римликлар “Манчестер Сити”дан ёш ҳужумкор футболчи Клаудио Эчеверрини олиб келмоқчи.

Манбага кўра, айни пайтда томонлар ўртасида музокара қизғин давом этмоқда. “Рома” 19 ёшли аргентиналик футболчини кейинчалик сотиб олиш ҳуқуқи билан ижарага олмоқчи. Бундан ташқари, узоқ муддатли ижара варианти ҳам ўртага ташланган.

“Манчестер Сити” Клаудио Эчеверрини 2024 йилнинг бошида харид қилган бўлса-да, бир йил “Ривер Плейт”да қолдирган эди.

Эчеверри Манчестерга келганидан кейин “шаҳарликлар” таркибида бор-йўғи учта учрашувда қатнашиб, ўз ҳисобига битта гол ёздириб қўйди.