"Рома" Мхитарян билан келишиб олди

“Рома” ярим ҳимоячиси Генрих Мхитарян жамоа билан амалдаги шартномасини узайтиради.

Италиялик журналист Фабрицио Романонинг маълум қилишича, томонлар амалдаги келишувни 2022 йилнинг ёзигача узайтиришга келишиб олган. 31 ёшли арманистонлик футболчининг амалдаги шартномаси шу йилнинг ёзигача имзоланган.

Мхитарян жорий мавсум Италия А Сериясида 16 та ўйинда майдонга тушди ва ўз ҳисобига 8 та гол ҳамда 7 та голли узатма ёздириб қўйди.