"Рома" раҳбарияти уни АПЛ клубига сотишни хоҳламади ва таклифни рад этди!

Италия нашрлари тарқатган хабарларга қараганда, "Рома" Николо Дзаниолонинг трансфери бўйича АПЛ клубидан бўлган таклифни рад этган.

Италиялик иқтидор эгасига Европанинг кўплаб гранд клубларидан қизиқишлар пайдо бўла бошлаган. Айниқса, унга кўпроқ "Ювентус" харидор бўлаётгани ҳақида миш-мишлар кенг тарқалди.

Аммо Рим клуби ҳозирча бу борада фақат битта расмий таклиф олди. Бу ҳам Англия клубидан. Бироқ ушбу таклиф клуб раҳбариятини қаноатлантирмади. Шунинг учун таклиф рад этилди. Ҳозирча ушбу жамоа қайси экани ошкор этилмаяпти.

Қайд этилишича, “Рома” Дзаниолони 50 миллион евродан камига сотмайди.