"Рома" Украинада йирик ҳисобдаги ғалабага эришди. Шомуродов 62 дақиқа ўйнади

Европа Конференциялар лигаси 2-туридан ўрин олган "Заря" - "Рома" учрашувида меҳмонлар йирик ҳисобда зафар қучди, 3:0.

Илк гол Стефан Эл-Шааравига тегишли бўлса, кейинчалик Крис Смоллинг ҳамда Тэмми Абрахам ўз исмини таблога ёздириб қўйишга муваффақ бўлди. Беллашувни асосий таркибда бошлаган Шомуродов 62-дақиқада захирага олинди.

Шундай қилиб, "бўрилар" очколари сонини 6 тага етказиб олган ҳолда, пешқадамликни сақлаб қолди. Украиналиклар сўнгги поғонани банд этган.

• 90+3'
  

  Учрашув якунланди. "Рома" икки ўйинда жами 8 та гол урди.

• 90+2'

  Сўнгги дақиқаларни мезбонлар тўп назорати билан ўтказмоқда.

• 90'
  

  Ўйиннинг асосий вақтига 3 дақиқа қўшилди.

• 87'

  Борха Майоралнинг зарбасига аниқлик етишмади.

• 85'
  

  Бурчакдан етказиб берилган тўпни Мацапура узоқлаштирди.

• 83'
  

  Руи Патрисиуга сариқ карточка кўрсатилди.

• 82'

  Шахоб Захедининг зарбасидан кейин тўп бироз ноаниқ кетди.

• 80'

  Мараш Кумбулла жарима майдони остонасида қоида бузди. Меҳмонларда қулай нуқтадан стандарт вазият юзага келди.

• 78'
  

  Пеллегрини ва Эл-Шаарави ўрнига Майораль ҳамда Вильяр майдонга тушди.

• 77'
  

  Руи Патрисиу майдонда ётибди. Унга тиббий ёрдам керак.

• 75'

  "Заря"нинг навбатдаги ҳужуми ноаниқ пас туфайли якунига етмай қолди.

• 72'

  Майдон эгалари битта бўлсада гол уриш учун ҳаракатдан тўхтамаяпти.

• 70'
  

  Дарбо ўз ўрнини Амаду Диаварага бўшатиб берди.

• 68'
  

  ГООООООООООООООЛ! Ҳисоб йирик кўринишга келмоқда!

  Заниолонинг узатмасини Абрахам дарвозага жойлаб қўйди.

• 66'
  

  ГОООООООООООЛ! "Рома" ҳисобни ишончли кўринишга келтирди!

  Бурчакдан оширилган тўпни Крис Смоллинг боши билан дарвозага аниқ йўллади.

• 64'

  Тэмми Абрахамнинг илк уринишидан кейин тўп устундан қайтди.

• 64'
  

  Дарбонинг зарбасидан кейин Мацапура тўпни ушлаб олди.

• 62'
  

  Элдор Шомуродов ҳамда Карлес Перес ўрнига Тэмми Абрахам ва Николо Заниоло ўйинга қўшилди.

• 62'

  Громов ҳужумда қоида бузди. Ҳакам ўйинни тўхтатди.

• 60'

  Жарима майдонига оширилган тўпни Пеллегрини дарвозага йўллай олмади.

• 59'

  Ўйин ўртача темпда давом этмоқда.

• 57'
  

  Карлес Переснинг зарбасидан сўнг дарвозабон тўпни қайтарди.

• 56'

  Ягона бўлиб турган Стефан Эл-Шаарави бугун қолганлардан анча кўп кўзга ташланмоқда.

• 54'

  "Заря" қулай имкониятдан фойдалана олмади. Саидманеш зарба позициясидан берган кутилмаган пасига шериклари ета олмади.

• 52'

  Ибанъез ҳужумда қоида бузди. Ҳакам ўйинни тўхтатди.

• 50'

  Жамоадоши узатган тўпни Эл-Шаарави етиб бора олмади. Дарвозабон чаққонроқ бўлиб чиқди.

• 48'

  Римликлар иккинчи 45 дақиқаликда ҳам ташаббусни ўз қўлларида ушлаб турибди.

• 46'
  

  Иккинчи тайм бошланди!

• 45'
  

  Биринчи бўлимга вақт қўшилмади. Танаффус!

• 43'

  Украиналиклар танаффусга ҳисобни тенглаштирган ҳолда чиқиб кетиш учун олдинга ўтмоқда.

• 41'
  

  Тўп бурчакдан тўғридан тўғри жарима майдонига оширилди. Патрисиу уни осонлик билан ушлаб олди.

• 39'

  "Заря" навбатдаги бурчак зарбасига эга бўлди.

• 36'

  Моуриньо шогирдларининг кучли прессинги рақиб ҳужумлари барбод бўлишига сабаб бўлмоқда.

• 33'

  Меҳмонларнинг ҳужумлари тобора хавфли тус олиб бормоқда.

• 31'

  Элдор рақиб посбонини доимий босим остида ушлаб турибди.

• 29'
  

  Деярли бирга-бир вазиятга чиқиб борган Элдорнинг уринишидан кейин дарвозабон тўпни қайтарди.

• 27'
  

  Стефан Эл-Шааравининг аниқ зарбасини дарвозабон бартараф этди.

• 25'

  Тўп назорати Моуриньо шогирдлари қўл остида. Мезбонлар қарши ҳужумларда фурсат пойламоқда.

• 23'

  Смоллинг ва Шомуродов ҳужумда прессинг уюштирди. Рақиб вазиятдан чиқиб кетишни уддалади.

• 21'
  

  Пеллегринининг зарбасидан сўнг дарвозабон тўпни қайтарди.

• 19'

  Сўнгги дақиқаларда украиналиклар сезиларли даражада фаоллашди.

• 17'
  

  Жарима майдони ташқарисидан берилган зарбани Патрисиу ушлаб олди.

• 16'

  Ўйин тенг курашлар остида кечмоқда. Ҳар икки томонда ҳужумлар бор.

• 14'

  Меҳмонлар ўз ҳужумларини позицион усулда амалга оширмоқда.

• 12'

  Громовнинг жарима майдони ташқарисидан берган зарбаси ноаниқ кетди.

• 11'

  "Бўрилар" рақиб ҳужумларини хотиржамлик билан бартараф этмоқда.

• 9'
  

  Меҳмонларнинг бурчакдан тўпни ўйинга киритиш имкониятини қўлга киритди.

• 7'
  

  ГОООООООООООЛ! Учрашувда ҳисоб очилди!

  Дарвозабонни алдаб ўтган Эл-Шаарави осонлик билан ҳисобни очди.

• 5'

  Римликлар тўп назоратини қўлга олишга ҳаракат қилмоқда.

• 3'

  Илк дақиқаларда бироз пала-партиш ўйин гувоҳига айланмоқдамиз.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча сониялар ичида старт олади!