"Интер" ва "Рома" клублари "Удинезе" дарвозабони Хуан Муссо учун кураш бошлади.

Calciomercato нашри тарқатган хабарга кўра, "Рома" мураббийлар штаби жамоанинг асосий дарвозабони Пау Лопеснинг кўрсатаётган ўйинларидан қониқмаяпти. Шу сабабли улар янги посбон қидиришни бошлаб юборган. "Интер" эса 36 ёшли Самир Хандановичга муносиб ўринбосар қидирмоқда.

Ўз навбатида "Удинезе" 26 ёшли аргентиналик футболчининг трансферидан 20 миллион евро ишлаб олмоқчи.

Муссо жорий мавсум “Удинезе” сафида жами 21 та ўйинда майдонга тушди ва ўз дарвозасидан 27 та гол ўтказиб юборди. Унинг клуб билан амалдаги шартномаси 2023 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)