"Рома" ва "Милан" ўзаро футболчи алмаштиради

"Милан" ва "Рома" яқин вақтлар ичида ўзаро футболчи алмаштириши мумкин.

Sky Sports нашрининг ёзишича "россонерилар" сафига “бўрилар” футболчиси Женгиз Ундер кўчиб ўтади ва бунинг эвазига Римга “Милан” форварди Сусо йўл олади. Ушбу келишув якунланиш арафасида.

Таъкидлаш керакки, ҳар иккала футболчи ҳам кейинчалик сотиб олиш ҳуқуқи билан ижарага берилади.

Маълумот учун, Сусо жорий мавсум 17 та ўйинда майдонга тушди ва 1 та гол ҳамда 2 та голли узатмага муаллифлик қилди. Ундер эса 13 та ўйинда иштирок этиб 1 та гол уришга эришди.