Романо: Ляпорт "Ан-Наср" футболчиси

"Манчестер Сити" ҳимоячиси Эмерик Ляпорт фаолиятини Саудия Арабистонида давом эттирадиган бўлди. Уни "Ан-Наср" ўз таркибига қўшиб олишга яқин турибди. 

Фабрицио Романо хабар беришича, томонлар келишувга эришиб бўлди. Ушбу трансфердан "шаҳарликлар" 30 миллион евро ишлаб олади. Испаниялик футболчи эса риёдликлар билан 3 йиллик шартнома имзолайди. Унга кўра, Ляпорт йилига 20 миллион евро маош олади. 

Маълумот учун, Эмерик 2018 йили 65 миллион евро эвазига "Атлетик"дан "Манчестер Сити"га келиб қўшилганди.