Роналду жамоадошлари билан хайрлашмасдан кетиб қолди

Криштиану Роналду Португалия терма жамоасини тарк этишидан олдин жамоадошлари билан хайрлашмагани маълум бўлди.

Бугун терма жамоа сардори матбуот анжумани ортидан жамоа қароргоҳини тарк этаётганини эълон қилди. Бош мураббий Жорже Жезуш иштирокидаги учрашувдан сўнг маълум бўлишича, 41 ёшли ҳужумчи Норвегияга қарши ўйинга асосий таркибдан жой олмаган. Роналду айнан шу қарордан қаттиқ норози бўлгани айтилмоқда.

Португалия нашри O Jogo хабарига кўра, Роналду Копенгагенда жойлашган терма жамоа меҳмонхонасини жамоа машғулотдан қайтишидан олдин тарк этган. Шу боис у жамоадошлари билан юзма-юз хайрлашиш имкониятисиз кетган.

Худди шу нашрнинг ёзишича, Криштиану эндиликда Португалия миллий терма жамоаси сафида майдонга тушмайди, яъни унинг терма жамоадаги фаолияти якунлангани тахмин қилинмоқда.

Роналду термани тарк этганидан сўнг қисқа баёнот ҳам берди: «Ўз вақти келганда португалияликларга ҳақиқатни айтаман», – дея унинг сўзларини келтиради оммавий ахборот воситалари.