Роналдиньо айни пайтда энг яхши футболчи ким эканлигини айтди

Бразилия терма жамоаси ва “Барселона”нинг собиқ юлдузи Роналдиньо ҳозирги кундаги энг яхши футболчи ким экани ҳақида фикр билдирди. Унга кўра, бу ном ҳали ҳам Лионель Мессига тегишли:

“Лионель Месси мен учун ҳали ҳам дунёдаги энг яхши футболчи. У Жаҳон чемпионатига аъло формада етиб боришига умид қиламан, шунда у яна мўъжизалар ярата олади”, — деди Роналдиньо.

Маълумот учун, ўтган мундиалда Аргентина терма жамоаси айнан Месси етакчилигида чемпионликни қўлга киритган эди. Ҳозирда у клуб даражасида “Интер Майами” шарафини ҳимоя қилмоқда.