Роналдо: «Мбаппеда менинг кўплаб фазилатларим бор»
Роналдо Мбаппени ўзининг меросини давом эттираётган, кўп қиррали ва кўп гол урадиган ҳужумчи сифатида эътироф этди.
Бразилиялик собиқ футболчи Роналдо Лондонда «Олтин тўп»ни топшириш маросимида иштирок этди. «Реал»нинг собиқ ҳужумчиси Килиан Мбаппе ҳақидаги фикрлари билан ўртоқлашди.
«Мбаппеда менинг кўплаб фазилатларим бор: тезлик, куч, гол уриш маҳорати, рақибларни алдаб ўтиш ва ҳужумларни муваффақиятли якунлаш қобилияти. У жуда кўп қиррали футболчи. Мбаппе кўп гол уради ва менда бўлган кўплаб сифатларга эга. Менинг меросим яшашда давом этаётганидан хурсандман», — дея Роналдонинг сўзларини Marca нашри келтирмоқда.
Якшанба куни кечқурун «Реал» сафарда «Барселона»ни 2:1 ҳисобида мағлуб этди. Килиан Мбаппе ушбу учрашувда дубл қайд этди. Энди француз ҳужумчисининг «Реал» либосидаги голлари сони 100 тага етди. Мбаппе 2024 йил ёзидан буён мадридликлар шарафини ҳимоя қилиб келмоқда.
Изоҳлар (0)