Роналду, 2026 йилги жаҳон чемпионатида қатнашасанми?

Жаҳон чемпионати олтин медали Криштиану Роналду учун катта армон бўлиб қолмоқда. Шу боис, кўпчиликни 39 ёшли ҳужумчининг 2026 йилги жаҳон чемпионатида қатнашиши қизиқтиряпти.

Португалия терма жамоаси сардори бу масалага ойдинлик киритди.

- Ўзимни жуда яхши ҳис қиляпман. 2026 йил борасида аниқ фикр айта олмайман. Реал вақтда яшаяпман ва у ҳозирча жуда ижобий кечяпти.

Биз терма жамоа билан Миллатлар лигасида муваффақият қозонишга уриниб кўрамиз. Лекин 2026 йилгача ҳали анча вақт бор, - деди Криштиану Роналду.

 Криштиану Роналду халқаро миқёсда энг кўп ўйин ўтказган ва энг кўп гол урган рекордчи ҳисоблаанди. Португалиялик юлдуз ўз юрти терма жамоасида 212 та беллашувда рақиблар дарвозасига 130 та тўп киритган.