Роналду 1000 та голни қачон уради?

Жаҳон футболида расмий учрашувларда рақиблар дарвозасига энг кўп тўп киритган Криштиану Роналду 1000 та гол урган биринчи футболчига айланиши кутилмоқда.

 Sky Sports нашри экспертлари “Ан-Наср” ва Португалия миллий терма жамоасининг 40 ёшли ҳужумчиси мингинчи голини қачон нишонлаши мумкинлигини ҳисоблаб чиқди. Бунда мутахассислар Роналдунинг клуб ва терма жамоада ураётган голлари интенсивлигини асос қилиб олди.

Криштиану Роналду 2026 йилги жаҳон чемпионатининг саралаш турнири доирасида Венгрия билан бўлган учрашувда Венгрия дарвозасига иккита тўп киритиб, профессионал фаолиятидаги голлари сонини 948 тага етказиб олди.

Экспертларнинг ҳисоб-китобига кўра, Роналду шу темпда гол уришни давом эттирса, 2026 йилнинг октябрь ойига бориб, ҳисобида киритилган тўплар сонини 1000 тага етказиб олади. Кейинги мавсум охиригача, Криштиану умумун голларини 1008 тага етказиши мумкин.