Роналду 2006 йилдан буён бундай натижа қайд этмаган эди

Туриннинг "Ювентус" клуби форварди Криштиану Роналду жорий мавсум А Серия тўпурарлар рўйхатида 4-ўринни эгаллади.

34 ёшли португалиялик футболчи Италия чемпионатининг 31та учрашувида майдонга тушиб 21та гол уришга эришди. Рақиблари дарвозасига 26та гол киритган Фабио Квальярелла ("Сампдория") мусобақа тўпурари бўлди. 2- ва 3-ўринларни эса Дуван Сапата ("Аталанта" 23) ҳамда Кшиштоф Пёнтек ("Милан" 22) эгаллади.

Gracenote Live нашри тарқатган хабарга кўра Роналду 2006 йилдан буён илк бор миллий чемпионатлар тўпурарлари рўйхатида кучли учликка кира олмади. У 2005-2006 йилги мавсумда “Манчестер Юнайтед” сафида 9та гол урган. Эътиборлиси, у ўшанда хатто тўпурарлар кучли ўнлигига ҳам кира олмаганди.