Роналду 2025 йилнинг сўнгги ўйинида “даҳшатли” рекордини янгилаб қўйди

Португалия терма жамоаси ва “Ан-Наср” клуби ҳужумчиси Криштиану Роналду профессионал фаолиятидаги 957-голини нишонлади ва минглик маррага яна бир қадам яқинлашди.

40 ёшли тўпурар Саудия Арабистони Про-лигасининг 13-турида “Ал-Иттифоқ”  жамоасига қарши ўйинда (2:2) гол муаллифи бўлди.  Риёдликларнинг яна бир голи тўпурарлар баҳсида Роналду билан бирга пешқадамлик қилаётган Жоау Феликс ҳисобига ёзилди.

Даммамликларнинг жавоб голларини Европа футболида танилган Жоржиньо Вейналдум киритди.

Бу баҳсда “Ан-Наср”  жамоасининг ўнта ўйиндан иборат ғалабали серияси барҳам топди. Роналду жамоаси дурангдан кейин очколари сонини 31 тага етказиб, Саудия Арабистони чемпионатида пешқадамлик қилмоқда.