Роналду 9,5 млн еврога камёб машина сотиб олди (ФОТО)
Туриннинг "Ювентус" клуби форварди Криштиану Роналду янги Bugatti Centodieci автомобилига эга бўлади.
Bild нашри тарқатган хабарга кўра, 35 ёшли португалиялик футболчининг янги спорткари 9,5 миллион евро туради. Эътиборлиси, ушбу автомобиль дунё бўйича бор йўғи 10 та нусхада ишлаб чиқарилади холос.
Таъкидлаш керакки, ушбу автомобиль Bugatti компаниясининг 110 йиллик юбилейига бағишланган. Бироқ, ушбу машина Роналдуга 2021 йилда етказиб берилади.
Эслатиб ўтамиз, Роналду айни дамда ўзи туғилиб ўсган Мадейра оролида карантинда бўлиб турибди.
Фикрлар