Роналду 90 та уринишдан битта гол урди

Статистика мутахассисларининг маълум қилишича, “Манчестер Юнайтед” ҳужумчиси Криштиану Роналду 2017 йилдан бери 90 маротаба жарима зарбасини бажарган.

Ўшанда “Реал” футболчиси ҳисобланган машҳур тўпурар кейин 2018-2021 йиллар давомида “Ювентус” шарафини ҳимоя қилиб, юздан ортиқ тўп киритди.

Ўтган йилнинг августидан собиқ жамоаси – 2003-2009 йилларда ўйнаган “Манчестер Юнайтед”га қайтди.

Мана шу учта жамоа сафида бажарган 90 та жарима зарбасидан бир маротаба гол ургани Роналду бу борада омадсиз эканидан далолат беради.

Португалиялик тўпурар жорий мавсумда манчестерликлар сафида премьер-лигада саккизта, Чемпионлар лигасида олтита гол урди.