Роналду барибир Мессидан зўр!

“Бавария” ва Германия терма жамоаси ҳужумкор футболчиси Томас Мюллер ПСЖда ўйнаётган Лионель Месси ва “Манчестер Юнайтед” ҳужумчиси Криштиану Роналдуни солиштирди.

- Роналду кучлими ёки Месси? Мен бу саволга Роналду, деб жавоб бераман. Лео ва унинг жамоасига қарши ўтказилган учрашувларда бизнинг статистикамиз ижобий кўринишга эга. Роналду қарши эса вазият мутлақо бошқача, - деди Томас Мюллер.

Криштиану Роналду фаолияти давомида футболчиларга бериладиган энг нуфузли индивиуал соврин – “Олтин тўп”ни беш маротаба қўлга киритган. Лионель Мессида бу совриндан еттитаси бор.

Шунга қарамай, португалиялик юлдуз футбол тарихида клублар миқёсида ҳам, миллий терма жамоа учун ҳам энг кўп гол урган футболчи сифатида рекорд ўрнатган.