Роналду билан ютуқларни қўлга киритмасанг уят бўлади

“Ювентус”нинг тажрибали ҳимоячиси Жоржо Кьеллини жамоадоши Криштиану Роналду ҳақида илиқ фикрларни билдирди.

- Бахтимга у ҳозир менинг жамоадошим. Роналдунинг келгани “Ювентус”га кўп фойда берди. Сенда шундай чемпион борлигида катта ютуқларни қўлга киритмасанг уят бўлади, - деди Кьеллини.

Жоржонинг ўзи Турин клубида 2005 йилдан буён тўп сурмоқда. У жами 509 та ўйинда қатнашиб, рақиблар дарвозасини 36 маротаба ишғол қилган ва 20 та голли пас узатган.

2018 йил ўрталарида 117 миллион евро эвазига “Ювентус”га келган Роналду жамоанинг асосий тўпурарига айланди. Шундай бўлса-да, португалиялик ҳужумчи ёзда жамоани тарк этиши мумкинлиги ҳақида хабарлар тарқатилмоқда.

Қайноқ янгилик! Роналду “Юве”дан кетяпти

Тезкор хабар! Роналдунинг “Ювентус”дан кетиши ҳақидаги хабар тасдиқланди

Матнда хатолик топсангиз, ўша хатони белгилаб, бизга жўнатинг (Ctrl + Enter)