Роналду борган сари арзон футболчига айланмоқда

Коронавирус пандемияси ортидан футболчиларнинг нархлари пасайишда давом этмоқда. Transfermarkt нашри маълумотига кўра, ўтган йилнинг декабрь ойидан буён "Ювентус" ҳужумчиси Криштиану Роналду трансфери 67,5 миллион фунтдан 54 миллион фунтгача арзонлаган.

Шундай қилиб, португалиялик форвард қиммат футболчилар топ-20 талигидан чиқиб кетиб, 46-поғонадан жой олди.

Эслатиб ўтамиз, жаҳоннинг энг қиммат футболчилар рўйхатини ПСЖ ҳужумчиси Килиан Мбаппе 162 миллион фунт стерлинг билан бошқариб келмоқда. Бунгача франциялик футболчининг трансфер нархи 180 миллион фунтни ташкил қилар эди.

Манба маълумотига кўра, "Барселона" етакчиси Лионель Месси 100,8 миллион фунтга баҳоланмоқда. У топ футболчилар рўйхатида 9-ўринда бормоқда.