Роналду фаолиятида бунақаси биринчи бор юз берди

Германия мезбонлик қилаётган Европа чемпионатининг гуруҳ баҳслари ниҳоясига етиб, бош соврин учун курашадиган жамоалар тенг ярмига қисқарди.

Статистикага ихтисослашган ташкилотлар “Евро-2024”нинг гуруҳ баҳслари кўрсаткичларини ҳисоб-китоб қилмоқда.

Opta статистика портали Португалия терма жамоаси юлдузи Криштиану Роналдунинг гуруҳ ўйинларидаги кўрсаткичларини ҳисоблаб чиқди. 39 ёшли футболчи фаолияти илк бор йирик турнирларнинг гуруҳ баҳсида ўз ҳисобга гол ёздириб қўя олмади.

Бунгача Роналду жаҳон ва қитъа чемпионатларида ўн марта гуруҳ баҳсларида иштирок этиб, услуксиз рақиблар дарвозасини ишғол этиб келаётган эди.

Португалия терма жамоаси нимчорак финалда Словения футболчилари билан куч синашади. Европа чемпионати 14 июлга қадар давом этади.