Роналду фаолиятини қаерда давом эттириши ҳал бўлди

40 ёшни қарши олган Криштиану Роналду ҳали футболчилик фаолиятини якунламайди ва тўп тепишда давом этади.

Таниқлик журналист Николо Скиранинг маълум қилишича, португалиялик юлдуз “Ан-Наср” билан амалдаги шартномасини яна бир йилга узайтириб, клубда 2026 йилнинг ёзигача қоладиган бўлди.

Томонлар келишувнинг барча шартномалари бўйича бир тўхтамга келган ва шартнома имзолангани тез орада расман эълон қилиниши кутиляпти.

Айни пайтда Криштиану Роналду жаҳон футболида энг кўп гол урган футболчи ҳисобланади. Унинг ҳисобида жами 924 та гол бор. Шулардан 789 таси клублар миқёсида ва 135 таси Португалия миллий терма жамоасида киритилган.

Беш карра “Олтин тўп” соҳиби бўлган Криштиану Роналду ўз олдига урган голлари сонини 1000 тага етказиш мақсадини қўйганини бир неча бор таъкидлаган эди.