Роналду Кевин де Брюйнега ўта катта маош гаплашиб беряпти

“Ан-Наср” юлдузи Криштиану Роналду клуб раҳбариятини “Манчестер Сити” плеймейкери Кевин де Брюйне олиб келишга кўндирмоқчи бўляпти.

Mirror нашрининг ёзишича, Роналду саудияликлардан  бельгиялик ҳужумкор футболчига бир ҳафта учун 1 миллион фунт миқдорида маош ажратишни сўраган.

Роналду агар Кевин де Брюйне клубга қўшилса, “Ан-Наср” Саудия Арабистонининг энг қудратли жамоасига айланишига ишоняпти.

33 ёшли плеймейкернинг манчестерликлар билан шартномаси мавсум охирида тугайди. Кевин де Брюйненинг ўзи аввалроқ Саудия Арабистонига кўчиб ўтишга мойиллик билдирган эди.