Роналду нега фаолиятини Бундеслигада давом эттира олмайди?
"Бавария" бош мураббийи Юлиан Нагельсманн "Манчестер Юнайтед" ҳужумчиси Криштиану Роналду Дортмунднинг "Боруссия" клубига ўтиши мумкинлиги борасидаги хабарларга изоҳ берди.
“Роналду “Боруссия”га ўтиши борасидаги хабарларга изоҳ беришни истамайман. Боиси, унинг "Манчестер Юнайтед" билан шартномаси бор. У голеадорлик салоҳиятини намойиш этаётган футболчилардан бири ҳисобланади. Бироқ унинг кейинги режаларидан хабарим йўқ.
Гап шундаки, Роналдуга маош тўлаш учун даъвогар клубларда етарлича пул бўлиши керак. Аммо Бундеслигада унинг маошини тўлиқ қоплай оладиган клуб бор деб ўйламайман”- дея Нагельсманнинг сўзларини келтиради “SAPO Desporto” нашри.
Олдинроқ Дортмунднинг "Боруссия" клуби бош директори Ханс-Йоахим Ватцке клуб Криштиану Роналдунинг трансфери бўйича музокара ўтказмаганини айтди.
Маълумот ўрнида, Роналду ўтган ёзда "Ювентус"дан "Манчестер Юнайтед"га ўтган эди, футболчининг инглиз клуби билан шартномаси 2023 йилгача амал қилади.
Фикрлар