Роналду: Нима бўлса ҳам, “Юве”дан кетсам бўлди!

Криштиану Роналду ёзги трансфер ойнаси ёпилгунига қадар Турин клубини тарк этишга қарор қилган.

Аввалроқ, унинг агенти Жорже Мендеш Туринга келгани ва “Ювентус” раҳбарлари билан музокара бошлагани ҳақида хабарлар тарқатилган эди. Криштиану Роналду Манчестер Сити”га ўтиши кутиляпти.

Сўнгги хабарларга қараганда, “шаҳарликлар” тўпурар ҳужумчи трансфери учун италияликларга 30 миллион евро тўлашга рози бўлган.

Роналдунинг ўзи эса манчестерликлар таклиф қилган йилига 15 миллион евро маош учун тўп тепишга рози эканини билдирди. Айни пайтда португалиялик юлдуз А Серия клубидан йилига 31 миллион евро маош оляпти.

Клубга яқин манбалар Криштиану Роналду клубдан ҳамма нарсасини йиғиштириб чиқиб кетганини ёзмоқда.