Роналду отдан тушса ҳам эгардан тушмайди

Жаҳон футболида энг кўп гол урган футболчи – Криштиану Роналду терма жамоадаги келажаги бўйича режалари билан ўртоқлашди.

- Мен яна бир неча йил давомида терма жамоанинг бўлаги бўлишга умид қиламан. Мақсадларим буюк. Ҳали ҳамон иштиёқим баланд. Терма жамоадаги йўлим охирига етгани йўқ.

Терма жамоамизда иқтидорли ёшлар кўп. Олдинда жаҳон чемпионати бор. Бундан ташқари, кейинги Европа чемпионатида ҳам тўп тепишни истайман, - деди 37 ёшли Роналду.

Роналду терма жамоа учун гол уришда жаҳон рекордчичи ҳисобланади. Унинг ҳисобида 117 та тўп бор. Роналдудан ташқари фақат аввалги рекордчи – эронлик Али Дайи терма жамоаси учун юздан ортиқ, аниқроғи 109 та тўп киритган.