Ronaldu qachongacha futbol o‘ynashini aytdi

“Manchester Yunayted” hujumchisi Krishtianu Ronaldu yana bir necha yil yuqori saviyada o‘ynay olishiga ishonmoqda.

Portugaliyalik hujumchi jurnalistlarga kelajakdagi rejalari haqida ma’lumot berdi.

- Men yana ko‘pi bilan ikki-uch yil o‘ynashni istayman. Faoliyatimni 40 yoshimda tugatmoqchiman. Lekin oldinda o‘zingni nima kutib turganini bilmaysan, - dedi Krishtianu Ronaldu.

Portugaliyalik yulduz klublar miqyosida “Sporting”, “Real”, “Yuventus” va “Manchester Yunayted” sharafini himoya qilgan. U jahon futbolida eng ko‘p to‘p kiritgan futbolchi hisoblanadi.

Shuningdek, Ronaldu Portugaliya terma jamoasida 191 ta uchrashuvda qatnashib, gollari sonini 117 taga etkazgan va bu borada ham mutlaq rekord o‘rnatgan.