Роналду
Ads

Мадриднинг “Реал” клуби етакчиси Криштиану Роналду кеча Испания суперкубоги доирасида “Барселона”га қарши бўлиб ўтган дастлабки баҳсда заҳирадан майдонга туширилди.

58-дақиқада Карим Бенземанинг ўрнига ўйинга қўшилган португалиялик футболчи учун ушбу баҳс “қироллик клуби” либосидаги 396-ўйин бўлди. Эътиборлиси, 32 ёшли футболчи бу борада  “Реал” афсонаси Альфредо ди Стефанога тенгашиб олди.

Эслатиб ўтамиз, кечаги баҳсда Криштиану ҳакам томонидан 2 марта сариқ карточка билан огоҳлантирилиб, майдондан четлатилган, "Реал" эса 1:3 ҳисобида ғалаба қозонган эди.