Роналду Сардор Рашидовнинг собиқ жамоасида шуғулланмоқда

Португалиянинг Мадейра шаҳри "Насьонал" клуби президенти Руи Алвеш нега "Ювентус" форварди Криштиану Роналду унинг жамоасида шуғулланаётганини айтди. Бу ҳақда Tuttosport нашри хабар тарқатмоқда.

Айтиш керакки, айни дамда карантинни ўзи туғилиб ўсган Мадейрада ўтказаётган Роналду шу шаҳарда машғулот ўтказмоқда.

“Криштиану бизга ўзи қўнғироқ қилди, биз эса унга бундай имконият яратиб бера олганимиздан хурсандмиз. Роналду бизнинг йигит ва у барча тарбияланувчиларимиз учун намуна бўлиб қолаверади”, - дейди президент.

Шу ўринда, "Насьонал" клубида ўзбекистонлик футболчи Сардор Рашидов тўп сурганини эслатиб ўтмоқчимиз.