Роналду худбин!

"Реал" Мадрид клубининг собиқ ярим ҳимоячиси Рафаэль ван дер Ваарт португалиялик ҳужумчи Криштиану Роналду билан тўп сурган пайтларини ёдга олди.

“Мен учун биринчи навбатда ғалаба муҳим эди, гол урган одам эмас. Бу ажойиб туйғу эди. Афсуски, кўплаб ҳужумчилар худбин бўлишади. Мен “Реал”да Криштиану билан бирга ўйнадим. Биз ўз майдонимизда “Спортинг”ни 6:0 ҳисобида енгдик ва мен шу ўйинда хет-трик қайд этдим. Аммо, Роналду гол ура олмади. У кийиниш хонасида жуда ранжиган эди”, - дейди голландиялик футболчи.

Роналду “Реал” сафида 2009-2018 йилларда тўп сурди ва ушбу вақт орасида жамоа тарихидаги энг зўр ҳужумчи бўлди.