Ronaldu “Yuventus”ga katta ziyon keltirdi

Yaqinda Italiya prokuraturasi “Yuventus” klubi o‘z safida o‘ynagan Krishtianu Ronalduga 20 million evro miqdoridagi maoshni yashirincha berganini aniqlagan edi.

Endi turinliklarga soliqdan qochgani va noqonuniy xatti-harakatlari uchun 60 million evro miqdorida jarima yuklanishi mumkin. Bu haqda Daily Mail nashri xabar tarqatdi.

Prokuratura “Yuventus”ni 2019-2021 yillardagi faoliyatini tekshirmoqda. Bunga klub rahbariyati hujjatlarni soxtalashtirishga uringani sabab bo‘lgani aytilyapti.

Ronaldu 2018-2021 yillar davomida “Yuventus” tarkibida jami 134 ta uchrashuv o‘tkazib, raqiblar darvozasini 101 marotaba ishg‘ol qilgan va jamoadoshlariga 22 ta golli pas uzatgan.