Роналдуга яна 95 та гол керак

Саудия Арабистони чемпионати Про-лигасининг  олтинчи турида “Ан-Наср” ўз майдонида “Ал-Оруба” жамоасини қабул қилиб, йирик ҳисобда ғалаба қозонди.

Учрашувда Криштиану Роналду пенальтидан ҳисобни очган бўлса, Садио Мане дубль билан якуний ҳисобни ўрнатди – 3:0.

Киритилган тўп португалиялик юлдуз учун профессионал фаолиятидаги 905-гол бўлди. 39 ёшли форвард ўзи кўзлаган минглик маррага етиши учун у яна 95 марта рақиблар дарвозасини ишғол қилиши керак.

Бундан ташқари, Роналду фаолиятидаги 197-пенальтини бажарди. Криштиану бу уринишлардан 167 тасини голга айлантира олган.