Роналдуни "Барса"да кутишганди

“Барселона”нинг тажрибали ҳимоячиси Жерар Пике Криштиану Роналду 2009 йили “Манчестер Юнайтед”ни тарк этганида каталонияликлар сафига қўшилишга яқин бўлганини таъкидлади.

- Криштиану мадридликлар билан шартнома имзолашидан аввал “Барселона”га ўтишга жуда яқин келганди. Худди шу ҳолат Винисиус Жуниорда ҳам кузатилган, - деди Жерар Пике.

Испаниялик ҳимоячининг ўзи ҳам “Барселона”дан олдин “Манчестер Юнайтед”да ўйнаган.

Криштиану Роналду “Реал” сафида 438 та учрашувда 450 та гол урди ва жами 15 та совринни қўлга киритди. Португалиялик юлдуз 2018 йили “Ювентус”га ўтиб, 2021 йилнинг августида яна “Манчестер Юнайтед” сафга қўшилди.