Роналдуни кечираманми?

“Манчестер Юнайтед” бош мураббийи Эрик тен Хаг ўзини матбуот орқали танқид қилган Криштиану Роналду билан суҳбатлашиб олишга тайёр эканини билдирди.

- Келажакда Роналду билан гаплашишим мумкинми? Ҳа. Лекин мен ундан бирон нима сўрамайман ёки эътироз қилмайман. Мен доим ошкора ишлаганман ва Криштиану билан менинг қарашларим ҳақида суҳбатлашганмиз. Келажакда у билан яна гаплашиш учун ҳеч қандай муаммо кўрмаяпман.

Мен уни кечираманми? Бу каби саволларга жавоб беришни истамайман. Мен у билан гаплашиб олишга тайёрман.

У менга ҳурматсизлик қилдими? Балки қилгандир. Менга бунинг аҳамияти йўқ. Бу каби нарсаларни муҳокама қилишга вақт сарфламайман. Олдинга интилишимиз керак. Роналду бу жараённинг бир қисми эди, лекин бошқа йўлни танлади.

У “Манчестер Юнайтед”га катта ҳисса қўшган буюк ўйинчи, лекин буларнинг бари ўтмишда қолди. Энди олдинга қараб иш қилиш лозим, - деди Эрик тен Хаг.